Содржина
Бенџамин Стид се откажал од фармерскиот живот во Вермонт и неодамна со своето семејство се преселил во градот Палмира во северниот дел на државата Њујорк. Обидувајќи се да си пронајде место во јасно дефинираните општествени структури во новата средина, Стидовите откриваат дека луѓето кои што ги ангажирале за подготовка на обработливото земјиште, се всушност една од страните во верски конфликт кој може да доведе до распаѓање на семејството. Двајцата браќа Стид се борат да ја придобијат ќерката на еден богат трговец и ги поддржуваат спротивставените страни. Иако семејството упорно се обидува да ги смири избувнатите страсти, наскоро ќе се покаже дали ќе победи лојалноста кон семејството и вистината.