Содржина
Авантурата почнува кога новинарот Мајлс, кој сѐ уште нема закрепнато по разводот и кој има фиксација кон виното, одлучува на стариот факултетски другар и неуспешен актер Џек да му даде како подарок наградно патување по винските полиња на долината Санта Инез, неделата пред свадбата на Џек. Тие се мошне чудна двојка. Џек е шармер со богат сексуален живот, а Мајлс е повлечено типче. Џек сака да го искуси „последното залче слобода, додека Мајлс само сака да најде совршенство во виното. На Џек му одговара и евтиното „мерло, а Мајлс цели кон таинственото и совршено „пино. Единственото нешто што им е заедничко е спојот на неуспешните амбиции и одминатата младост. А сепак, додека се пробиваат низ брегот, Мајлс и Џек почнуваат да се дават во вино и во жени. Џек до гуша се вљубува во жената што ги служи вината и се заканува дека ќе ја откаже свадбата. Мајлс почнува сопствена романса со една келнерка. И двајцата мажи на опасен и комичен начин се лизгаат кон средовечна криза.