Содржина
Во Неапол по војната, градскиот советник Нотола успева да ја користи политичката моќ за личен профит во една зделка со недвижнини во предградијата. По рушењето на една зграда, комунистичкиот советник Де Вита започнува истрага за Нотола.
„Раце над градот“ е добитник на „Златен лав“ на Венецијанскиот филмски фестивал во 1963 година и претставува една од најдобрите политички драми во историјата. Тоа е приказ на корупцијата во Неапол по војната. Почнувајќи со рушењето на една станбена зграда во еден работнички кварт, филмот се фокусира на истрагата за одговорноста околу катастрофата. Во нејзиниот центар е ЕдуардоНотола (Род Стајгер), богат земјопоседник и член на Градскиот совет од владејачката партија, кој е решен да ги оствари своите лични и професионални интереси во изградбата на нови владини станови.