Зад Сонцето

Содржина

Во бразилските провинции во 1910 г. две фамилии се наоѓаат во крвава меѓусебна пресметка. Тоњо добива наредба од татка си да ја одмазди смртта на својот брат. Тој треба да избере помеѓу семејната традиција и сопствените соништа и желби.
„Зад Сонцето“ е приказна за љубовта, верноста и изборот што мора да го направи еден син, да ја одбрани честа на своето семејство и да го следи своето срце. Во 1910 година, во една далечна рурална област во Бразил, две семејства се наоѓаат во крвава меѓусебна пресметка која трае со генерации. Во едното семејство најстариот преостанат син е вознемирен поради можноста да умре, но е охрабрен од својот помлад брат, па почнува да го преиспитува циклусот на насилство. Потоа, една убава млада жена влегува во неговиот живот и му ги отвора очите за животот надвор од ригидниот културен кодекс којшто наложува одмазда. Филмот има прекрасна фотографија и е раскажан на неверојатен начин така што ќе ве пренесе на сосема различно место и во сосема друго време... на место некаде зад сонцето!