Содржина
Филмот „Кула“ е заснован на повеќекратно наградуваниот роман од Уве Телкамп и ги опишува последните седум години во буржоаската средина на еден резиденцијален дел во Дрезден, град од Источна Германија, пред падот на Берлинскиот ѕид.
Комунистичка Источна Германија во својата последна деценија. Дури и за привилегираните интелектуалци кои живеат во вилите на познатите предградија на Дрезден, пукнатините во мрачната фасада на полициската држава во Источна Германија не можат повеќе да се прикријат со шминка. Сепак, и покрај ограничувањата, има и предности за малкутемина образовани. Во ваква атмосфера е пораснат Кристијан, срамежливиот тивок син на докторот Ричард Хофман и на неговата сопруга Ана. И Кристијан сака да стане доктор, па се бори да ги исполни ригорозните барања на Ричард. Но, дали Ричард навистина е модел за интегритет и морална одговорност, како што тврди? Никој во семејството не се сомнева дека Ричард со години е во врска со една колешка. Семејството се соочува со голем удар кога злогласната тајна полиција го присилува Ричард да биде кодош, а му ја одзема положбата на главен доктор кога тој не испорачува резулати. И Кристијан е на „пик“ на властите, па се пријавува во војската, во надеж дека така ќе надомести за своето „несоцијалистичко“ однесување. При крајот на 80-тите, граѓаните на Источна Германија почнуваат јавно да бараат повеќе слобода, Ричард доживува нервен слом, Ана станува политички активист, а Кристијан се наоѓа меѓу војниците на кои им е речено да употребат насилство за да разбијат еден протест. Меѓу демонстрантите е и неговата мајка Ана...