Елитна единица 2

Содржина

По големиот успех на претходникот кој ја освои Златната мечка на фестивалот во Берлин во 2008 година, Вагнер Моура се враќа во улогата на полковникот Насјименто. Тој е сега десет години постар и веќе се искачил високо во полициската хиерархија како прв човек на специјалната полициска единица на Рио де Жанеиро (БОПЕ) и, подоцна, како потсекретар за разузнавање. Насјименто ја зајакнува единицата и ѝ задава сериозен удар на трговијата со дрога. Но набргу доаѓа до сознание дека со своите успеси всушност им помогнал на своите вистински непријатели: корумпираните полицајци и валканите политичари со крупни изборни интереси. Сега непријателите на Насјименто се многу поопасни, зашто се на неговата страна. Филмот ги сруши сите рекорди на гледаност во Бразил и се смета за најзначаен филм во земјата во изминатата деценија.