Лошата наставничка

Содржина

Материјалистката Елизабет Халси (Камерон Дијаз) ја напушта својата работа како наставничка во средно училиште, очекувајќи да се омажи за богатиот свршеник. Но тој ја откажува нивната свршувачка и Елизабет се враќа во училиштето. Елизабет е бесчувствителна, некомпетентна и зависна од марихуана. Таа воопшто не им посветува внимание на учениците и на колегите, а на учениците им пушта филмови за време на часовите. Љубоморната наставничка Ејми Сквирл ја мрази Елизабет и тие се отуѓени една од друга. Кога Елизабет се запознава со наставникот Скот Делакорт, кој е на замена, таа открива дека тој е многу богат, па почнува да флертува со него. Подоцна таа дознава дека Скот сака големи гради, па решава да си стави силикони, но треба да собере 10.000 долари за силиконите. Дознава дека наставникот што ќе покаже најдобри резултати на Државниот испит добива бонус од 5.700 долари. Елизабет го менува својот став и ги учи своите ученици да се подготват за испитите. Сепак, Елизабет користи неетички средства за да победи на натпреварот, а Ејми бара докази кои ќе покажат дека Елизабет мамела на испитите...