Дилема

Содржина

Комедија за еден маж кој открива дека сопругата на неговиот најдобар пријател можеби го мами, што го води до дилемата дали да му каже на пријателот. Следува комичен хаос во кој се откриваат лаги, што доведува до уште повеќе лаги.
Уште од колеџ, опасниот ерген Рони и среќно женетиот Ник заедно минувале низ сито и решето. Сега се партнери во една фирма за автомобилски дизајн. Двајцата пријатели се обидуваат да дојдат до проектот од соништата, кој би ја пробил нивната фирма. Покрај нив се Бет, девојката на Рони и Џенива, сопругата на Ник, па изгледа дека оваа двојка пријатели е непобедлива. Тоа е така сè додека светот на Рони не се превртува наопаку кога тој, без да сака, ја гледа Џенива во рацете на друг маж, што би го уништило совршениот брак на неговиот најдобар пријател. Рони си дава задача да ја истражи ситуацијата пред да му ја каже на Ник веста што никој не би сакал да ја чуе. Додека неговата аматерска истрага се претвора во комичен хаос, Рони дознава дека и Ник има неколку сопствени тајни. Сега часовникот чука, а притисокот се зголемува и од страна на автомобилската консултантка Сузан Вејмер околу најголемата презентација во нивните кариери, додека личната врска на Рони се распаѓа секој ден сè повеќе, па тој мора да реши како и кога ќе му ја открие вистината на својот најдобар пријател.