Чекајќи ги варварите

Содржина

Судијата (Марк Рајланс), администратор на изолирана погранична населба на границата на неименувана империја, со нетрпение очекува да оди во пензија со доаѓањето на полковник Џол (Џони Деп), чија задача е да известува за активностите на „варварите“ и за безбедносната состојба на границата. Џол е садист и спроведува серија немилосрдни испрашувања и тортури врз домородците во обид да ја оправда планираната операција на истиснување на староседелците уште подалеку во ридовите. Однесувањето на полковникот и неговиот подеднакво суров заменик кон „варварите“ и тортурата врз младата жена со која судијата е во врска, го доведуваат судијата до криза на совеста и донкихотски чин на бунт.