PëRMBLEDHJE
Motoçiklistët Majkëll Kalahan (Casper Van Dien) dhe miku i tij më i mirë, Aleksi (Patrick Muldoon) nisen për në Sturgis, synimi legjendar i udhëtimeve me motoçikleta. Udhëtimi merr papritmas një kthesë, kur hasin në një bandë maskarenjsh, të cilët po rrihnin në mënyrë barbare një veteran të Luftës së Vietnamit. Arrijnë tepër vonë për të ndaluar sulmin, por Majku, i cili vetë është djali i një veterani, që tashmë nuk është gjallë, ndien për detyrë t’i japë ndihmë burrit dhe i jep fjalën se do të plotësojë dëshirën e tij të fundit: t’i japë kutinë (arkën) plot me medalje dhe para vajzës së tij. Majku dhe Aleksi ndalojnë në shtëpinë e nënës së Majkut (Theresa Rusell), ku ai merr vesh se babai i tij nuk humbi jetën në Vietnam: ishte motoçiklist dhe ra viktimë e një bande maskarenjsh. Duke pasur si dëshirë që shpirti i vërtetë i babait të mbesë gjallë, bashkë me Aleksin rregullojnë motoçikletën, me të cilën do të vazhdojë pjesa tjetër e udhëtimit. Grindja në klub është shkak për komplikime te tjera, kurse gangsteri i quajtur Stil (William Forsythe), i cili ka bërë plot shkelje ligjore, ndërsen banditët e tij ndaj Majkut dhe Aleksit, duke supozuar se ata kanë dituri për planet e tij, lidhur me shantazhimin e nje senatori amerikan. Majku dhe Aleksi nisen për në Sturgis, duke pasur në bagazh pasurinë e të vrarit, në kujtesë, të vërtetën për babanë e humbur dhe mbi kurriz, ushtarët e bandës, të cilët i ndjekin.