Потпретседателка: HOSTAGES

Содржина

„Ејч-Би-О“ ја претставува премиерата на новата сезона на хумористичната серија наградена со „Еми“, создадена од Армандо Јанучи, која ни понудува остар и сатиричен поглед врз затворениот свет на политиката во Вашингтон. „Потпретседателка“ го прикажува бурното секојдневие на потпретседателката Селина Мејер (за улогата Џулија Луис-Драјфус беше наградена со „Еми“) додека се снаоѓа со својот работен распоред, гасне политички пожари и ги заштитува интересите на претседателот, дури и кога се обидува да ја подобри својата нефункционална врска со него. Продолжувајќи од средината на изборите, во втората сезона Селина добива малку натпросечни рејтинзи во неколку анкети на популарноста, кои таа ги користи за да го зголеми своето влијание и да ги добие симпатиите на претседателот и неговиот нов виш стратег Кент Дејвисон (Гери Кол). Но, како што видовме минатата сезона, и најбаналната одлука што ја носат Селина и нејзиниот кадар може да предизвика неочекувани и далекосежни последици. Во десетте епизоди од втората сезона, „Потпретседателка“ на урнебесен начин ги прикажува суптилните аспекти на секојдневните канцелариски политички односи во втората најбитна канцеларија во земјата.Епизода 3:
Додека се вжештува заложничката драма во Узбекистан, Селина и секретарот за одбрана, генерал Медокс, имаат проблеми да се усогласат за нивниот заеднички настап во базата на маринците во Квантико. Сју сведочи пред Конгресот за владината ефикасност. Ден и Гери се натпреваруваат за увото на потпретседателката.