сезона: 2
Содржина
Поранешната сенаторка Селина Мејер (Џулија Луис-Драјфус) го прифаќа повикот да биде потпретседателка на САД. Работата не е таква кава што си ја замислувала, туку е онаква каква што ја предупредувале дека е. „Потпретседателка“ ги прикажува Мејер и нејзиниот кадар додека се обидуваат да ја постигнат својата цел и да остават траен белег без да се сопнат од секојдневните политички игри, кои се одлика на Вашингтон.
Потесниот круг на Мејер ги вклучува: нејзиниот шеф на кабинет Ејми (Ана Кламски), долгогодишниот портпарол Мајк Меклинток (Мет Волш), десната рака и асистентот Гери (Тони Хејл) и секретарката Су (Сафи Бредшо). Тие сите се борат со Ден Еган (Рејд Скот) кој е амбициозен натрапник и со надмениот службеник за врски во Белата куќа, Џона (Тим Симонс). Новата хумористична серија на „Ејч-Би-О“ го прикажува виорот на секојдневното постоење на Мејер како потпретседателка додека поставува политички фигури, се снаоѓа со набиениот распоред на јавни настани и со напорниот приватен живот, бранејќи ги интересите на претседателот дури и кога се обидува да ја подобри својата нефункционална врска со врховниот водач.