сезона: 2
Содржина
Британскиот тим комичари Линколн, составен од сопругот Шон и сопругата Беверли, пристигнува во Холивуд за да ја продуцира новата верзија на својата хит-телевизиска серија. Тие најпрвин се воодушевени од понудата, но наскоро откриваат што планираат американските директори со нивното ценето шоу, па набргу станува јасно дека влогот не е само нивното шоу туку можеби дури и нивниот брак.
Производ е на сценаристичкото партнерство меѓу Дејвид Крејн („Пријатели“) и Џефри Кларик („Луд по тебе“), со Мет Лебланк во главната улога, играјќи „надуена“ верзија од себе и со Тамсин Грег, Стивен Манган и Џон Панкоу.
Вториот серијал продолжува четири месеци по крајот на првиот. Бракот на Шон и Беверли е растурен поради флертот на Беверли со Мет, а пријателството на Мет со Шон изгледа не може да се спаси. Но кога доаѓа премиерата на нивната комедија „Духови!“, сите тројца се присилени да најдат начин како да продолжат да работат заедно.
Како што напредува серијата, сè подлабоко втурнати сме во изопачениот свет на телевизиската продукција. Тоа е галерија на мегаломански директори на ТВ-мрежи, актерки со куп пластични операции и голи демначи, кои ненадејно се појавуваат во вашата кујна. Низ сето тоа, Шон и Беверли се борат повторно да ја откријат љубовта што ја имаа на почетокот од нивната американска авантура, додека Мет се бори да си ја поврати поранешната слава.