сезона: 1
Содржина
Поранешната сенаторка, Селина Мејер (Џулија Луис-Драјфус) го прифаќа повикот да биде потпретседателка на САД. Работата не е таква кава што си ја замислувала, туку е онаква каква што ја предупредувале дека е. „Потпретседателка“ ги прикажува Мејер и нејзиниот кадар додека се обидуваат да ја постигнат својата цел и да остават траен белег без да се сопнат од секојдневните политички игри кои се одлика на Вашингтон.
Потесниот круг на Мејер ги вклучува: нејзиниот шеф на кабинет, Ејми (Ана Кламски), долгогодишниот портпарол Мајк Меклинток (Мет Волш), десната рака и асистентот Гери (Тони Хејл) и секретарката Су (Сафи Бредшо). Тие сите се борат со Ден Еган (Рејд Скот) кој е амбициозен натрапник и со надмениот службеник за врски во Белата куќа, Џона (Тим Симонс).
Комедијата е во режија на Армандо Јанучи, а сценаријата и снимањето ѝ се во импровизиран стил. „Потпретседателка“ е автентична серија, без да биде специфично биографска околу тоа како изгледа да се биде на чело на најмалку ефективната позиција во најмоќната администрација на светот.
Епизода 7:
Потпретседателката и нејзиниот кадар примаат критики поради пуштениот глас за бременост и отпуштањето на еден агент од тајната служба, па Селина наредува "целосно" (т.е. делумно) обелоденување на сета коресподенција во канцеларијата. Подоцна Селина го испраќа Ден за да обезбеди амандманот "Меколи" (т.е. токсичниот Закон за чисти работни места) да не се поврзува со неа. Бидејќи расте перцепцијата дека нејзината канцеларија сѐ полошо функционира, Селина се заканува дека ќе отпушти еден клучен член на персоналот.