Трилер со Кира Седвик во улогата на Џејн Седлер, презафатена телевизиска продуцентка чијшто живот се врти наопаку по исчезнувањето на нејзината ќерка. Џејн се наоѓа сред хаотичен развод, на работа доживува стресови, има премалку време, а нејзината ќерка е единственото нешто што ја радува. Кога една вечер, додека Џејн работи на својата контроверзна полициска драма, исчезнува нејзината ќерка, Џејн за кратко време се уверува дека животот ја имитира уметноста и дека исто како и во нејзината серија сѐ околу неа е полно со мистерии, сите имаат тајни и никому не може да му се верува.