Содржина
Со атентатот врз својот Хуту претседател на 7 април 1994, Руанда го осведочи почетокот на едно од најголемите злосторства во поновата историја. Зелените савани, ридови и долини на земјата, заедно со нејзините улици, реки и домови беа натопени во крв, додека Хуту племето беснееше против Тутси племето. Во оваа оргија на насилство која следеше, соседи и пријатели се убиваа еден со друг, а некои луѓе дури си ги убиваа и сопствените деца и роднини. Црквите се полнеа со накажените тела на стотици илјади Тутси и Хуту, а најмалку 937.000 луѓе, според последното истражување на владата на Руанда, биле убиени за време на 100 дневниот масакр. Кога светот отпрвин стана свесен за геноцидот, меѓународната заедница не успеа да дејствува одлучно. Всушност, не стори ништо да го спречи колежот. Повеќе од 10 години потоа, човек може само да се запраша: како можеше ова да се случи? ПОНЕКОГАШ ВО АПРИЛ е првиот голем филм за геноцидот во Руанда, сниман на локации каде вистинските настани се имаат случено. Идрис Елба („Жица“), Орис Ерхуеро, и номинираната за наградата од академијата, Дебра Вингер играат во оваа морничава драма-документарец, филм кој мора да биде виден од целиот свет.