Забавен парк

Содржина

Ди-Си е сопственик на забавниот парк „Екшн поинт“ кој е надвор од контрола. Кога во близина се отвора еден корпоративен џиновски парк, Ди-Си и неговата екипа ризикуваат сѐ за да го спасат „Екшн поинт“.
Омилениот авантурист Џони Ноксвил се враќа во оваа урнебесна комедија. Ноксвил го игра Ди-Си, сопственикот на еден забавен парк кој е надвор од контрола и каде што реквизитите имаат минимална безбедност но се максимално забавни. Баш кога отуѓената ќерка на Ди-Си, Буги, доаѓа во посета, еден корпоративен џиновски парк се отвора во близина и ја загрозува иднината на забавниот парк. За да го спаси паркот, како и односот со ќерка си, Ди-Си, заедно со неговата луда екипа, ризикуваат сѐ и одат во луда авантура. Подгответе се за смеа полна со гегови, со каскадерски акции и со една мечка што пие пиво.