Празен град

Содржина

Чарли е човек кој ги изгубил жената и децата во нападите од 11 септември во Њујорк. Тој го среќава својот цимер од факултет, Алан. Обновеното пријателство изгледа може да му помогне на Чарли да се справи со својата тага.
Кога кулите близначки паднаа на тоа судбоносно утро во 2001 година, Чарли Финман изгуби сè за што живеел. Поминуваат пет години откако Чарли го изгубил своето семејство, а сега порано успешниот и дружељубив човек се претвора во повлечена сенка на тоа што бил. Кога судбината повторно ги спојува Чарли и неговиот поранешен цимер од факултет, Алан Џонсон, на еден уличен агол во Менхетен, Алан е шокиран кога гледа колку е пропаднат неговиот стар пријател. Иако на површината изгледа дека Алан има сè, семејството и кариерата силно го притискаат успешниот забар и нов татко. Во клучниот момент кога Чарли и Алан имаат потреба од пријател кој ќе им помогне да ги пребродат навидум нерешливите предизвици со кои се соочуваат во животот, моќта на обновеното пријателство се покажува како спасот кој е потребен за да тргнат кон иднината со надеж и оптимизам.