Минхен

Содржина

Во 1972 година целиот свет виде кога 11 спортисти од Изреал беа убиени на Олимписките игри во Минхен. Филмот е интернационален и опфаќа 14 европски и блискоисточни држави, следејќи ја приказната од Тел Авив до Франкфурт, од Хаифе до Париз, во раните 70-ти години. По страшниот терористички чин, премиерката Голда Меир одобрува исклучително тајна операција чија цел е да ги пронајде и да ги елиминира сите одговорни. Изреалскиот врв во Швајцарија прави петчлена екипа на чело со Авнер (Ерик Бана), оперативец на Мосад од пониските редови, чиј татко бил воен херој, а сопругата бремена. И покрај тешкотиите на почетокот и големите трошоци, Авнер и неговите соработници успеваат да пронајдат и да убијат неколкумина палестински терористи во Европа и во Либан, но многу често се соочуваат со ситуации што не можат да ги разберат.
Приказната за „Минхен” се одвива во 3 различни света: во светот на екстремно јавните настани на Олимпијадата, под закрила на меѓународните медиуми; во екстремно тајниот свет на сенките и Мосадовите непризнати одреди за убиства кои крстосуваат низ целиот свет, и во внатрешноста на световите на петтемина различни убијци кои поминуваат низ состојби на психички преобразби.
Филмот е спој на семејна и психолошка драма, политички трилер и атрактивни акциски сцени во кој Спилберг ги опфаќа сите општествени и лични последици на една ваква трагедија.
„Минхен” е номиниран за 5 Оскари, и има добиено многу награди и признанија.