Содржина
Од продуцентите на трилогијата „Матрица“ и режисерот на „О за одмазда“ пристигнува најновиот филм за боречки вештини. Раизо (азиската поп супер ѕвезда, Рејн) е еден од најсмртоносните убијци во светот. Земен од улиците како дете, бил трансформиран во обучен убиец од страна на кланот Озуну , што е тајно друштво чие постоење се смета за мит. Прогонуван од безмилосното убиство на другар му, Раизо бега од кланот... Исчезнува. Сега, тој чека и се подготвува да се одмазди. Во Берлин, агентката на Европол, Мика Корети (Наоми Херис) наидува на финансиска трага што поврзува неколку политички убиства со подземна мрежа на азиски убијци на кои не може да им се влезе во трага. Спротивставувајќи се на наредбите на нејзиниот надреден, Рајан Маслоу (Бен Мајлс), Мика копа по документите на агенцијата и ја дознава вистината за убиствата. Нејзината истрага ја претвора неа во мета, а кланот Озуну испраќа тим убијци кој го предводи смртоносниот Такеши (Рик Јун), за да ја замолчи засекогаш . Раизо ја спасува Мика од напаѓачите, но тој знае дека кланот нема да запре дури не ги елиминира и двајцата. Сега, во смртоносната бркотница низ улиците на Европа, Раизо и Мика мора меѓусебно да си веруваат за да преживеат... И на крај да го уништат таинствениот клан Озуну.