Содржина
Приказна за љубовната афера без граници на еден млад човек. Том, момчето, уште верува, дури и во циничниот современ свет, дека постои судбинска и единствена љубов. Самер, девојката, не верува. Воопшто. Но, тоа не го спречува Том да појде по неа, како современ Дон Кихот, со сета негова храброст и моќ. Одненадеж Том не е само вљубен во прекрасна и интелигентна жена - не дека му пречи тоа - туку и самата замисла за Самер, самата идеја за љубовта што уште има моќ да го растрепери срцето и да го сопре светот. Љубовта се распалува уште од првиот ден, кога Том, архитект кој пишува картички со честитки ја запознава Самер, убавата и пргава секретарка на неговиот шеф. Иако на прв поглед недопирлива, Том наскоро дознава дека има доста заедничко со Самер. Сепак, и двајцата ги сакаат „Д Смитс. И на двајцата им се допаѓа надреалниот уметник Магрит. Том живеел во Џерси, а Самер имала Мачка по име Брус. Како што вели Том, „ние лудо се совпаѓаме. До 31-от ден, работите убаво напредуваат. До 32-от ден, Том е пресреќен, живеејќи во фантастичен замислен свет со Самер. До 185-от ден, работите се хаотични, но не безнадежни. Како што приказната се развива меѓу Том и Самер, понекогаш блаженото, често бурното додворување опфаќа слепа страст, состаноци и секс, па до разделби, меѓусебно обвинување и избавување во виор од временски скокови, поделени екрани, караоке и кинематски занес - што води до своевиден калеидоскопски приказ за тоа зошто и како сѐ уште се бориме толку напорно да ја разбереме љубовта... Со надеж да ја оствариме.