Njeriu që dashuron

PëRMBLEDHJE

Gratë e Robertos dhe dashuritë e tij ndërthuren dhe depërtojnë, lidhen me njëra-tjetrën derisa bëhen pothuajse një grua e vetme dhe një dashuri e vetme… Skena e fillim të historisë, kur Roberto bën dashuri me Sarën, me kaq pasion thjeshtësi dhe përsosmëri, mund të jetë dhe skena e mbylljes së kësaj historie, por me një grua të re, e cila gjithashtu quhet Sara… Të gjitha këto detaje të vogla dhe intime, të një lidhjeje midis një burri dhe një gruaje, të cilët janë çift, por që nuk jetojnë bashkë, duken të jenë të veçanta për Roberton dhe Sarën. Për shembull, dëshira që ka Sara për pak proshutë, pas një nate të tërë duke bërë dashuri, e bën Roberton të qeshë. Pas gjashtë muajsh Roberto mendon se është normale t’i japë asaj çelësin e shtëpisë së tij. Një natë, duke vëzhguar ndjeshëm Sarën të nxirrte furçën e dhëmbëve nga çanta, Roberto dëshiron t’i propozojë asaj që të jetojë me të. Vëllai i Robertos, Carlo, sjellja e ashpër e të cilit nuk është gjë tjetër veçse një fasadë pas së cilës janë fshehur ndjeshmëria për Robertos - dhe dashuria për një person tjetër të afërt, për të riun e pashëm Yuri - i thotë Robertos, se duket sikur ka rënë në dashuri. Dr Campo, pronarja e një farmacie, në të cilën Roberti, si doktor që është, ka vite që punon, ka vënë re gjithashtu ndryshimin e mrekullueshëm të tij. Ka shumë detaje të panumërta intime në lidhjen e një femre dhe një mashkulli. Detaje, të cilat duken të pazakonshme dhe të parëndësishme, por që në dashuri mbartin peshë, kuptime të fshehura, premtime ose shenja. Një mbrëmje, pas darkës që hëngrën së bashku, Sara vendos të kthehet në apartamentin e saj, në vend që të kthehet në shtëpi me Roberton. I thotë gjithashtu Robertos, se nuk mund të takohet me prindrit e tij të dielën, pasi i duhet papritmas të largohet për në Milano. Roberto përpiqet gjatë gjithë fundjavës ta marrë Sarën në telefon. Ai pret dhe pret duke e mbajtur telefonin me vete jo vetëm në kolltuk, por edhe në krevat. Por telefoni nuk bie. Shumë shpejt e merr vesh të vërtetën. Gjithshçka përfundoi kaq shpejt, tamam si një goditje me thikë. Nuk dëshiron ta shoh më Sarën. Megjithëse e dinte se çdo njeri mësohet të jetojë me dhimbjen dhe braktisje, përsëri këto ndjenja nuk po kalonin, ndoshta do të kalonin me kohën… Dhe pas një kohe Roberto është me një grua tjetër, me Albën. Alba i thotë se mund të jetë shtatzënë. Të dy po kërkojnë një apartament të ri, të dy po bëjnë plane. Alba është shumë e dashuruar, ndërsa Roberto gjithnjë e më shumë i pasigurt. Pas një farë kohe Roberto është duke vrapuar në një koferencë, që zhvillohet në një hotel. Një vajzë e re në recepsion, disi e trembur, me sy të bardhë, i shpegon Robertos se punon këtu prej dy ditësh. Të dy buzëqeshin. Emri i saj është Sara.