Burgim i përjetshëm

PëRMBLEDHJE

Komedianët Edi Mërfi dhe Martin Lorenc bashkohen për një histori që nuk duket për të qeshur. Dy burra vuajnë burgimin e përjetshëm për një krim që se kanë bërë. Jeta hapet në Harlemin e vitit 1932, ku Rei Gibson (Eddie Murphy) është një mashtrues i parëndësishëm që i ka borxh Spankit,, një gangsteri (Rick James). Rei piketon arkëtarin Klod Banksin (Martin Lawrence) në një pikë kumari dhe duke e konsideruar një shënjestër të lehtë, i merr kuletën, vetëm që të zbulojë se Klodi është trokë. Nevoja e përbashkët e Reit dhe Klodit për të shtuar paratë i bashkon ata kur Spanki u ofron një punë që të sjellin një ngarkesë pijesh alkoolike kontrabandë në jug. Megjithatë, punët nuk shkojnë mirë për Rein dhe Klodin dhe ata arrestohen nga një sherif në Misisipi i cili së fundmi ka vrarë një njeri dhe ka nevojë për dikë që ti ngarkojë fajin. Duke qenë se Rei dhe Klodi janë të zinj, nuk janë nga ai qytet dhe janë kapur me presh në duar me një ngarkesë alkooli ilegal, sherifi mendon se janë shënjestra të lehta dhe i fajëson për vrasjen. Shumë shpejt të dy burrat janë të burgosur në një burg jugor ku ata kalojnë 55 vitet në vazhdim dhe mësojnë të shkojnë mirë me të burgosurit e tjerë e të shmangin zemërimin e rojave. Ata shikojnë të burgosurit më të rinj që shkojnë e vijnë dhe se humbasin kurrë shpresën se një ditë pafajësia e tyre do të provohet dhe ata do të lirohen.