сезона: 1
Содржина
Според серијалот романи од Едвард Сент Аубин, „Патрик Мелроуз ни ја прикажува британската висока класа преку животот на главниот лик, од детството полно со трауми, преку злоупотребата на дрога во подоцнежниот период од животот, па сè до конечното закрепнување. Бенедикт Камбербач (Шерлок) го игра Патрик Мелроуз, аристократ и плејбој, кој се обидува да се справи со штетата што му ја нанел татко му, но и мајка му која не го осудувала тоа однесување. „Патрик Мелроуз е вистинита телевизиска сага која на смешен и драматичен начин ни го пренесува дејството од Јужна Франција во 1960-тите, преку Њујорк од 1980-тите и подоцна во Британија од почетокот на 2000-тите. Серијата ќе посвети по еден час за секој од петте романи, а секоја епизода раскажува неколку хаотични денови од животот на Патрик.
Еп. 3
Англија, 1990 година. Патрик Мелроуз, кој сега има триесет и една година, конечно не се дрогира и студира право. И покрај тоа што ги избегнува ситуациите што го искушуваат, Патрик е убеден од страна на најдобриот пријател Џони да оди на еден настан во Костволдс. Забавата се одржува за 50-тиот роденден на Сони Грејвсенд, а ја организира поранешната љубовница на Николас Прат, Бриџит. Со гости што вклучуваат амбасадори, лордови, како и принцезата Маргарет, последната работа што ѝ треба на Бриџит се вести за неверството на Сони, како и информацијата дека неговата љубовница исто така ќе присуствува! Како што се одвива вечерта, Патрик за првпат го гледа овој декадентен свет со трезни очи. Во таква трезна состојба, тој му се доверува на својот најдобар пријател и доаѓа еден чекор поблиску до решение за своето проблематично детство.