Спартак - Војна на проколнатите: Enemies of Rome

Содржина

Бунтот нараснува на илјадници ослободени робови, а Спартак се подготвува за војна со Рим. Римскиот Сенат бара помош од Марк Крас. Заедно со младиот Јулиј Цезар како сојузник, Крас мора да го разбие бунтот...
Гај Клаудиј Глабер е мртов. Минуваат многу месеци од неговата смрт, а бунтовничката војска, предводена од Спартак и неговите генерали Крикс, Ганик и Агрон продолжува да реди победи над Рим. Бројот на бунтовниците нараснува на илјадници ослободени робови и станува сила која е предизвик дури и за моќните римски војски. Спартак е решен повеќе од кога било да ја сруши целата Римска Република. По смртта на Ашур, Невија и Крикс се борат како еден, со нова сила и решителност. А Ганик секогаш се обидува да го искористи животот до максимум, делејќи го креветот со убавата но опасна Сакса. Бунтовниците заедно се впуштаат од една крвава битка во друга и се подготвуваат за неизбежното, за целосна војна со Рим. Римскиот Сенат бара помош од својот најбогат граѓанин, Марк Крас. Тој е моќен политичар со стратегија, кој го почитува својот противник и одбива да ги направи истите грешки како Глабер и неговите претходници. Имајќи го младиот и амбициозен Јулиј Цезар за сојузник, Крас е решен да ги уништи Спартак и неговиот бунт. „Спартак: Војна на проколнатите“ е епскиот крај на легендарното патување и во него ќе видите битка каква што досега не е видена.