Вино и ветер

Содржина

Жан (Пио Мармај) е 30 годишник кој веќе цела деценија патува по светот, откако ги пресече сите врски со своето семејство и со Бургундија, регионот во кој израснал. Откако нашол дом во странство, сега добива повик да се врати во родната Франција за да биде покрај татко му, кој умира од неизлечива болест. Летото е при крај и претстоечкиот гроздобер му дава на Жан шанса пак да се зближи со сестра му Жулиет (Ана Жирардо) и брат му Жереми (Франсоа Сивил) за да се договорат околу иднината на семејното лозје. Во следните година дена, следејќи го ритмот на годишните времиња и постапките за изработка на вино, двајцата браќа и сестрата полека го обновуваат својот однос, поврзани со искрена и животна страст за винарскиот занает.