На пат

Содржина

Познатиот роман на Џек Керуак конечно е екранизиран. Животот на младиот Сал е разнишан по пристигнувањето на слободоумниот Дин и неговата девојка Мери-Лу. Патувајќи низ земјата, тие среќаваат разни луѓе кои влијаат врз нивното патешествие.
Во режија на режисерот Волтер Сејлс и според романот на Џек Керуак кој дефиниреше една цела генерација, филмот „На пат“ ја раскажува провокативната приказна за Сал Передајс, млад писател, чиј живот е разнишан и на крајот е редефиниран по пристигнувањето на Дин Моријарти, слободоумен, бестрашен и дрдорлив човек од западот, и неговата девојка Мери-Лу. Патувајќи низ земјата, Сал и Дин тргнуваат во лична потрага по слободата од конформизмот и конзервативизмот, кои ги ограничуваат во откривањето на непознатото, на самите себе и на „она“ што е чиста суштина на искуството. Барајќи го сето тоа на непознат терен и во последните американски неоткриени краишта, тие среќаваат разни мажи и жени: Бул, Камил, Карло, Џејн, Тери, Галатеа, а секој од нив неповратно влијае врз нивното патешествие.