Содржина
Запознајте го шармантниот и невработен Скот Пилгрим. Тој е 22-годишен бас-гитарист во бендот „Секс Боб-Омб“ и тукушто ја запознава девојката на своите соништа... буквално. Единствениот проблем за освојување на мистериозната Рамона Флауерс е што нејзините седум злобни бивши момчиња доаѓаат да го убијат.
Скот Пилгрим никогаш немал проблем да си најде девојка. Откачувањето на девојките се покажува како потешка работа, од девојката што му го скрши срцето, што сега се враќа во градот, до тинејџерската авантура од која се обидува да се ослободи кога Рамона влегува во неговиот живот. Љубовта не е баш лесна работа. Сепак, тој наскоро открива дека неговата нова симпатија има еден многу необичен багаж, во вид на сурија нејзини бивши момчиња, кои го контролираат нејзиниот љубовен живот и ќе сторат сè за да го елиминираат него како додворувач.
Како што Скот се приближува до Рамона, тој мора да се соочи со сè пожестоката сурија од нејзиното минато, од злогласни „скејтери“ до рок-ѕвезди вегетаријанци и опасни идентични близнаци. А ако сака да ја освои нејзината искрена љубов, Скот ќе мора да ги победи сите пред играта навистина да заврши.