Хирург

Содржина

Во „Хирург“ се работи за болницата „Никерброкер“ во центарот на Њујорк во 1900 година, како и за револуционерните хирурзи, сестри и персонал кои ги поместија границите на медицината во време на огромна смртност и без антибиотици.
Серијата „Хирург“ се одвива во Њујорк во 1900 година и е драмска серија на „Синемакс“, од режисерот добитник на наградите „Оскар“ и „Еми“, Стивен Содерберг. Дејството се одвива во болницата „Никерброкер“ и се фокусира на револуционерните хирурзи, медицинските сестри и персоналот што работи таму, поместувајќи ги границите на медицината во време на неверојатно високи стапки на смртност и без никакви антибиотици. Содерберг е режисер на сите 10 епизоди од првата сезона на серијата. Номинираниот за наградите „Оскар“ и „Еми“, Клајв Овен е во улога на д-р Џон Такери, брилијантен хирург, кој е пионер на нови методи во неговото поле и покрај тоа што има тешка зависност од кокаин. Тој предводи тим од доктори, во кој се неговиот штитеник д-р Еверет Галинџер, младиот д-р Берти Чигеринг Јуниор и Алгернон Едвардс, надежен хирург, што неодамна му е натурен. Живописната актерска екипа во болницата ги вклучува и: Корнелија Робертсон, ќерка на болничкиот донатор; Том Клири, крут возач на амбулантното возило; Луси Елкинс, нова сестра дојдена од провинција; корумпираниот менаџер Херман Бероу; како и сестра Хариет, калуѓерка која не се плаши да каже што мисли.