Мала секира: RED, WHITE AND BLUE

Содржина

Создадена и режирана од “Оскаровецот“ Стив Меквин (12 години ропство), антологиската серија „Мала секира“ раскажува лични приказни за карипската заедница во Лондон од доцните 1960-ти па до средината на 1980-тите. Насловот е изведен од јамајканска поговорка која е позната низ Карибите: “ако ти си големо дрво, ние сме мала секира“. „Мала секира“ исто така е наслов на песната на Боб Марли од албумот “Бурнинг“ на “Вејлерс“ издаден во 1973 г. Тоа значи дека маргинални или мали гласови на несогласување можат успешно да предизвикаат доста помоќни гласови. Стив Меквин вели: “Чувствував дека овие приказни треба да се споделат. Сакав одново да ги доживеам, да ги проценам и да ги истражам патувањата на коишто биле моите родители и генерациите од Карибите за да можам јас денес тука да постојам и да се нарекувам црн Британец."