Содржина
Џоана израснала во Париз опкружена со рок и со литература. Во 1979 г, кога во Бразил е донесена амнестија, Џоана се враќа во земјата на која едвај се сеќава. Во Рио, таа ги обновува сеќавањата за нејзиното детство и исчезнатиот татко.
Џоана е 15-годишна девојка која си ја храни душата со литература и со рок. Таа живее во Париз со нејзините двајца браќа, мајката и очувот, кои биле принудени на политички егзил. Нејзиниот татко “исчезнал“ кога Џоана имала 6 години, а постои сомнеж дека тој бил убиен кога бил затворен од воената диктатура. Во 1979 година во Бразил е донесена амнестија. Преку ноќ и против волјата на Џоана, семејството се враќа во Рио де Жанеиро. Во родниот град во кој исчезнал и татко ѝ, Џоана почнува да обновува делчиња од сеќавањето за нејзиното распарчено детство. Различните земји и јазици се претопуваат во насилни и небулозни ситуации. Доживувајќи сензации од историјата обликувана од политичките избори на нејзините родители и од смртта на татко ѝ, Џоана се обидува да ја напише сопствената приказна во сегашно време.