Нотр Дам во пламен

Содржина

На 15 април 2019. година, околу 18 часот, се случи нешто незамисливо - париската катедрала Нотр Дам ја зафати пламен. Четиристотини пожарникари се бореа со огнот за да се избегне исчезнување на катедралата. Овој напнат филмски спектакл на славниот француски режисер Жан-Жак Ано, познат по култниот филм „Името на розата“, е замислен пред сѐ за прикажување на големите платна во кино салите. Режисерот користел бројни видео материјали снимени од самите пожарникари и од париската полиција, како и искажувања на припадниците на пожарникарските бригади, на жителите и градската администрација.