Надвор од игра

Содржина

Џек (Бен Афлек) бил средношколски кошаркарски феномен, кој одеднаш, од непознати причини, ја напушта играта и се откажува од иднината. Години подоцна, тој добива нова шанса кога станува кошаркарски тренер во своето средно училиште.
Џек Канингем (Бен Афлек) порано имал надежен живот. Во средното училиште, тој бил кошаркарски феномен со универзитетска стипендија, кога одеднаш, од непознати причини, ја напушта играта и се откажува од иднината. Години подоцна, Џек е заглавен во бесмислена работа и тоне во алкохолизам поради што го губи бракот и надежта за подобар живот. Кога е замолен да го тренира кошаркарскиот тим во своето средно училиште, коешто пропаднало во однос на неговите славни денови, тој неволно прифаќа, што најмногу го изненадува него самиот. Кога момците почнуваат полека да победуваат, Џек можеби конечно ја наоѓа причината да се соочи со демоните кои го уништуваат. Но дали тоа ќе биде доволно за да ја пополни празнината, да ги излечи длабоките рани од своето минато, и да тргне по патот на искупувањето?