Војна на невестите

Содржина

Лив (Кејт Хадсон) и Ема (Ен Хатавеј) се најдобри пријателки кои уште од детството си го планираат секој детаљ од своите венчавки. На врвот на нивните невестински листи за работи кои мора да се сторат: церемонија во најдобрата свадбена локација во Њујорк, хотелот „Плаза“. Сега, на 26 годишна возраст, и двете тукушто ќе се мажат; тукушто ќе си ги остварат сништата; и ќе живеат среќно за век и веков. А можеби и не... Кога една административна грешка предизвикува совпаѓање на датумите за свадби – излегува дека ќе мора да се мажат на ист датум! – Лив, Ема и нивното долгогодишно пријателство се ставени на големо искушение. Лив, успешна правничка која е навикната да го добива она што го сака, вклучувајќи совршена работа и совршен маж, нема да се помири со нешто помалку од совршена свадба за која има сонувано со години. Ема, учителка која секогаш била добра во тоа да се грижи за други, но не толку добра во грижата за себеси, ја открива својата внатрешна „Невеста-монструм“ и се растревожува кога нејзината свадба од соништата е доведена во опасност. Сега, двете најдобри пријателки кои би сториле сѐ една за друга, се наоѓаат себеси во отворена борба која се заканува да избувне во тотална војна.