Револуционерен пат

Содржина

Едни сопруг и сопруга, во предградијата на Конектикат, во 1950-те, незадоволни од животот, се селат во Франција, а нивната врска преминува во бескраен циклус на карања, љубомора и меѓусебни обвинувања.
Адаптација на познатиот роман на Ричард Јејтс, „Револуционерен пат“ претставува директен портрет на еден американски брак, виден низ очите на Френк (три пати номинираниот за Наградата на академијата, Леонардо Дикаприо) и Ејприл (пет пати номинираната за Наградата на академијата, Кејт Винслет) Вилер. Приказната на Јејтс за Америка од 1950-те поставува прашање кое до ден денешен се провлекува низ модерните врски: можат ли двајца луѓе да раскинат со монотонијата, без да раскинат еден со друг? Френк и Ејприл отсекогаш се гледале себеси како посебни, различни, подготвени и желни да ги живеат животите врз основа на повисоки идеали. Па така, штом се преселуваат во нивниот нов дом на „Револуционерен пат“, тие гордо ја изјавуваат својата независност од инертноста на предградијата која ги опкружува, и одлучуваат никогаш да не бидат заробени од општествените ограничувања на нивното време. Сепак, и покрај сиот нивен шарм, убавина и слободоумие, Вилерови се гледаат себеси како стануваат она што никогаш не го очекувале: добар сопруг со рутинска работа, кој ги губи нервите; помалку од среќна домаќинка која гладува за исполнетост и страст; американско семејство со изгубени сништа, како и секое друго. Во потрага по промена на сопствените судбини, Ејприл смислува авантуристички план за нов почеток, да се напушти комотноста на Конектикат за големата мистерија на Париз. Но, кога планот се спроведува во стварноста, секој од партнерите реагира до различна крајност - едниот да избега по секоја цена, а другиот да го спаси сето она што го имаат, без оглед на компромисите.