Содржина
„Моето чудовишно семејство" е адаптација на истоимениот бестселер на авторот Дејвид Сафиер („Берлин, Берлин“), преведен на 18 јазици и објавен во над 40 земји.
Семејството Вишбоун е далеку од среќно семсјтво. Мајката Ема е сопственичка на книжарница во големи долгови, таткото Френк е преоптоварен со работа и изложен на секојдневна тортура од својот шеф. Ќерката Феј е самоуверена тинејџерка преокупирана со првата средношколска симпатија, а генијалецот Макс го малтретираат врсниците на училиште. За време на маскенбалот, лошата вештерка Баба Јага сите ги претвора во чудовишта! И тоа не е крај. Чудовишното семејство тргнува во лов на вештерката за да ја натера да ја симне клетвата. Во текот на авантурата, семејството Вишбоун запаѓа во незгоди со вистински чудовишта како и лично со грофот Дракула кој на Ема ѝ искажува бесмртна љубов. Во овој случај, авантурата на животот и патот до семејната среќа го отежнуваат стапици и остри завои, односно остри заби...