Непозната жена

Содржина

Прогонета од своето страшно минато, една млада жена се обидува да ја пронајде својата ќерка и да живее мирен живот. Украинката Ирина со намера се уфрлува во животот на едно имотно италијанско семејство Адакер. Таа е поранешна проститутка, подготвена на сè, за да стане доверлива слугинка на младата двојка и сакана дадилка на нивната нежна ќерка. Таа ризикува сè за да ја открие вистината за семејството, а воедно и идентитетот на својата ќерка. Постепено се откриваат делови од мозаикот за да се открие вистината за семејството кое го претставува минатото на Ирена. Но, тоа не се единствените проблеми со кои се соочува таа. Во нејзиниот живот се враќа еден стар „пријател”. Овој психолошки трилер говори за ужасот на проституцијата на кој се изложени младите девојки од источните земји, кои се третирани како бело робје. Филмот е премиерно прикажан во 2006 година и освоил многубројни награди на фестивалите насекаде низ Европа, меѓу кои и награда на Филмскиот фестивал во Пула.