Содржина
Документарец што ја следи црногорската уметница додека се подготвува за еден од најважните мигови во нејзиниот живот, големата ретроспектива на нејзиниот опус во њујоршкиот Музеј на модерната уметност.
Заводлива, бестрашна и скандалозна, речиси четириесет години, Марина Абрамовиќ го редефинира поимот за уметноста што важеше претходно. Таа го користи сопственото тело како медиум, туркајќи се себеси над своите физички и ментални граници, понекогаш ризикувајќи го својот живот додека го прави тоа. Таа создава перформанси што предизвикуваат, шокираат и трогнуваат. Преку неа и со неа ги минуваме границите, ни се проширува свеста и повторно се раѓа уметноста каква што ја познаваме. Напросто, таа е една од најмоќните уметници на нашето време. Таа, исто така, е и гламурозна икона во светот на уметноста, контроверзен симбол и мит во самосоздавање. И сигурно не наликува на ниеден човек што сте го запознале досега. Документарецот „Марина Абрамовиќ: Уметникот е тука“ нè води во светот на Марина, следејќи ја додека се подготвува за еден од најважните мигови во нејзиниот живот, големата ретроспектива на нејзиниот опус во њујоршкиот Музеј на модерната уметност. Да се претстави својата ретроспектива во еден од најважните светски музеи, за секој уметник претставува највисоко достигнување. За Марина тоа е и многу повеќе. Тоа е шанса конечно да одговори на прашањето што постојано го слуша цели четири децении. А тоа е: „Зошто ова е уметност?“