Скокалче

Содржина

Од создавачите на “Одвратниот јас“ и режисерот на блокбастерот “Алвин и верверичките“ пристигнува сосема новата комедија за слатките, девојките и рокенролот! Спојувајќи ја модерната анимација со акција во живо, филмот “Скокалче“ претставува комедија за Е. Б., синот-тинејџер на Велигденското зајаче. Токму пред да го преземе семејниот бизнис, Е. Б. заминува во Холивуд во потрага по својот сон да стане тапанар. Тој го среќава Фред, невработениот џаболебар кој има сопствена цел и случајно го удира Е. Б. со својот автомобил. Преправајќи се дека е повреден, Е. Б. манипулира со Фред за да му обезбеди засолниште, па Фред се наоѓа во ситуација со најлошиот гостин на светот. Ним заедно им се случува серија урнебесни настани и авантури, но на крајот тие меѓусебно си помагаат за да ја препознаат важноста на семејството.