У тајности

Содржина

Маја е адвокатка која се враќа во Британија за да стане првата црна јавна обвинителка. Таа почнува да се сомнева дека сѐ што знаела за човекот со кого е 20 години во брак било лага.
Серијата „Тајна задача“ во шест дела ја прикажува Маја Кобина (Софи Оконедо), адвокатка која треба да стане првата црна јавна обвинителка во Англија. Но, токму кога животот на Маја влегува во фокусот на јавноста, таа открива дека Ник (Адријан Лестер), нејзиниот сопруг и таткото на нејзините деца, ја лажел со години. Неговата мрежа од лаги се заканува да ја уништи не само нејзината кариера (и случајот од пред 20 години кој бил основа за нејзиниот успех) туку и животот што таа го изградила со Ник. Во минатите дваесет години, Маја го застапувала Руди Џонс, осуденик на смрт, кој бил лажно осуден за убиство. Маја може само да гледа кога нејзиниот пријател и клиент одбива да си замине во тишина, барајќи од неа да се бори против неправдите што му уништиле две децении од животот. Маја се враќа во Лондон кај своите три деца и кај сопругот Ник, писател и семеен човек. Ник ја оставил својата кариера настрана за да ја поддржи кариерата на својата брилијантна сопруга, но не е сѐ како што изгледа. Ник има тајно минато со инфилтрирање во политички организации за полицијата. На една од тие мисии ја запознал Маја, се заљубил, ја напуштил полицијата, по што им се родиле три деца, сето тоа под лажен идентитет. Сега Ник е заробен во лагата.