Реј Донован: Breakfast of Champions

Содржина

Серијата се одвива во рајот за богатите и славните. Реј Донован ги врши валканите работи за моќниците од Лос Анџелес. Во драмската серија, Лив Шрајбер го игра типот што ги решава проблемите на славните личности, спортските ѕвезди и бизнисмените во градот. Оваа моќна драма започнува кога неговиот татко Мики Донован неочекувано е пуштен од затвор, што предизвикува низа настани кои сосема го потресуваат семејството Донован. Реј работи со двајца соработници. Првиот е Ави, еден импозантен Израелец, а вториот е Лина, која е тврдокорна лезбијка. Поголем дел од работата на Реј е за една моќна адвокатска фирма што ја предводат неговиот ментор Езра Гудман и партнерот на Гудман, Ли Дрекслер.
Единствените проблеми што Реј не може да ги реши се оние на неговото семејство. Братот на Реј, Банчи, бил злоупотребуван од еден свештеник и сега не може да остане трезен. Другиот брат Тери бил оставен предолго во боксерски ринг, па развил Паркинсонова болест, а сите нив ги прогонува духот на нивната мала сестра, која се самоубила кога била тинејџерка. Дополнително, неговата сопруга Еби сѐ уште се прилагодува на нивниот живот во предградието, одгледувајќи ги нивните две деца Бриџит и Конор.
За Реј, сите нивни проблеми посочуваат кон една личност, нивниот татко Мики, гангстер во ирската мафија, кој никогаш не си го заштитувал своето семејство. Но, сѐ се превртува наопаку кога Мики, по 20 години затвор, се упатува кон Лос Анџелес и е гладен за одмазда. Тој сака пари, нов живот и позиција на шеф во своето семејство.