сезона: 2
Содржина
„Семејството Борџија“ е комплексен и искрен портрет на едно од најинтригантните и најзлогласни династички семејства. Добитникот на наградата „Оскар“, Џереми Ајронс, се враќа во улогата на итриот и манипулативен патријарх на семејството Борџија, кој влегува во највисоките кругови на моќта во ренесансна Италија и станува папата Александар VI. За оваа улога Ајронс е номиниран за наградата „Златен глобус“. Обидувајќи се да ја консолидира својата моќ, Александар го тера своето семејство да се заколне на одмазда против големите благороднички семејства кои се осмелија да им се спротивстават, што предизвикува папската столица повторно да се соочи со политички превривања. Но вистинските проблеми на Александар лежат во неговите деца, кои растат и се противат на неговиот авторитет. Лукреција оформува чуден сојуз помеѓу Ваноза и Џулија и заедно коваат завера за борба против корупцијата во Ватикан. Ривалството помеѓу Чезаре и Хуан наскоро ќе се претвори во омраза, кога фаворизирањето на нивниот татко што го прави кон Хуан предизвикува Чезаре да ја употреби својата мрачна страна. На други места во Рим, стариот непријател на Александар, Дела Ровере, влегува инкогнито во градот и кова завера за негов атентат.
Епизода 4:
Стариот непријател на Александар, Лудовико од Милано и моќниот мантовански војвода Гонзага го бараат благословот на папата за сојузништво со Венеција за да ја нападнат француската војска, која сè уште прави пустош низ италијанските села. Чезаре дознава дека Французите при повлекувањето го запалиле женскиот манастир „Св. Сесилија“ и дека неговата сакана Урсула е убиена. Тој и Микелето регрутираат група убијци и платеници за да се одмаздат. Оставајќи ја Лукреција да го води Ватикан, Александар и Чезаре патуваат за да им се придружат на италијанските сили кои, изгледа, немаат шанси пред француските топови...