Детектив Клот

Содржина

Детективот Џек Клот е самотник и пијаница, а работата му станува сѐ во животот по мистериозната смрт на неговата жена. Клот се здружува со храбрата детективка Ен Олдман. Тие заедно истражуваат една серија грозоморни убиства.
Од „Летни убиства“ до „Месија“, ниедна детективска серија нема да избегне да биде исмеана, бидејќи „Детектив Клот“ е сеопфатна пародија на сите полициски филмови во историјата. Во филмот игра Џон Хана („Спартак: Богови на арената“) во улогата на детективот Џек Клот, смелиот самотник и пијаница, кој сосема ѝ се посветува на својата работа по смртта на жена му. Тој се здружува со храбрата детективка Ен Олдман (Сузен Џоунс „Улица Коронејшн“, „Непростено“), па двајцата ќе одат секаде каде што оделе сите детективски двојки пред нив. По бруталното убиство на Алберт Стафорд (Брајан Пек), пензионер којшто го сака Пирс Морган, Клот и Олдман се испратени во куќата на Питер Андре, во рамките на истрагата. Главниот инспектор Том Бос (Џулијан Рин-Тут, „Зелено крило“) бара брзи резултати. Случајот го води тимот од рурална Британија до универзитетите и ординациите на форензичките патолози, со што е можно повеќе шеги по пат. Врз основа на приказната на Борис Старлинг („Месија“), сценариото е напишано од страна на Чарли Брукер и Ден Маер.