Парадајс Хилс

Содржина

Во провокативното режисерско деби на Алис Вадингтон, младата Ума (Ема Робертс) се буди едно утро во Парадајс Хилс, првокласна институција што се наоѓа на осамен медитерански остров. Таму богатите семејства ги испраќаат своите ќерки за да станат совршени верзии на самите себе. Преку прилагодени методи кои вклучуваат бонтон, вокална подука, третмани за убавина, гимнастика и ограничена диета, сите физички и емоционални недостатоци се отстрануваат во рок од два месеци; трансформацијата е загарантирана. Ума наоѓа утеха и пријателство кај останатите жителки - Клои (Даниел Мекдоналд), Ју (Аквафина) и поп-ѕвездата Амарнa (Иза Гонзалес). Но, Ума наскоро ќе сфати дека зад целата таа убавина се крие мрачна тајна. Започнува трка со времето додека Ума и нејзините пријателки се обидуваат да избегаат...