Поинаква листа

Содржина

Овој документарец на ХБО прикажува 16 членови на ЛГБТ заедницата во Америка додека ги кажуваат своите ставови за различни прашања, од идентитетот до еднаквоста.
Во „Поинаква листа“ е претставен збир на различни интервјуирани лица што ги споделуваат своите лични и професионални приказни, кои се трогателни но и триумфални, околу ЛГБТ-искуството. Во овој просветлувачки едночасовен портрет на современиот хомосексуален живот во Америка, режисерот и продуцент Тимоти Гринфилд-Сандерс прикажува една неверојатна лепеза од луѓе со различен историјат и искуства. Актерот Нил Патрик Херис, спортистот Вејд Дејвис и политичарката Кристин Квин, како и Џејк Ширс од „Сизор систерс“ се личности кои зборуваат за уникатните борби и триумфи со кои се соочиле. Филмот се состои од интимни прикази во прво лице, каде се покриваат повеќе теми, од актуелниот проблем околу правата за брак, до верата и културата, семејството и политиката. Овие успешни Американци, кои се отворени за својата хомосексуалност, претставуваат инспиративен пример за идните генерации и ќе ја трогнат и активираат пошироката публика.