Сена

Содржина

Документарец кој се фокусира на бразилскиот возач на Формула 1, Ајртон Сена, кој трипати победи на светското натпреварување во Формула 1 пред неговата смрт на 34-годишна возраст.
Низ годините, како возач во Формула 1, од 1984 година па сè до неговата прерана смрт по една деценија, филмот “Сена“ ги истражува животот и делото на тројниот светски шампион, неговите физички и духовни постигнувања на тркачката патека, неговата потрага по совршенство и митскиот статус кој го има добиено оттогаш. Филмот е направен во целосна соработка со семејството на Ајртон Сена кое даде согласност ова да биде првиот документарец за неговиот живот, а и во соработка со менаџментот на Формула 1 кој обезбеди снимки кои претходно не се видени, како и во соработка со институтот “Ајртон Сена“, добротворната фондација воспоставена по неговата смрт, која обезбедува образовни можности за милиони сиромашни деца во Бразил.