PëRMBLEDHJE
Evan Treborn rritet në një qytet të vogël, me mamanë dhe shokët e tij. Ai vuan nga humbjet e kujtesës, kur papritur e gjen veten tjetërkund, i trazuar. Shokët dhe mamaja e Evanit nuk e besojnë, mendojnë se po gënjen që të dalë nga telashet. Teksa rritet, Evani nis të ketë më pak humbje kujtese, aq sa duket sikur është shëruar. Qëkur ka qenë shtatë vjeç, ai ka shkruar një ditar me momentet e humbjes së kujtesës, në mënyrë që të mbajë mend më vonë se çfarë ka ndodhur. Një ditë, në kolegj, ai nis të lexojë një nga ditarët e vjetër dhe papritur kujtimet i kthehen të ashpra, si një goditje pas koke.