сезона: 1
Содржина
Според серијалот романи од Едвард Сент Аубин, „Патрик Мелроуз ни ја прикажува британската висока класа преку животот на главниот лик, од детството полно со трауми, преку злоупотребата на дрога во подоцнежниот период од животот, па сè до конечното закрепнување. Бенедикт Камбербач (Шерлок) го игра Патрик Мелроуз, аристократ и плејбој, кој се обидува да се справи со штетата што му ја нанел татко му, но и мајка му која не го осудувала тоа однесување. „Патрик Мелроуз е вистинита телевизиска сага која на смешен и драматичен начин ни го пренесува дејството од Јужна Франција во 1960-тите, преку Њујорк од 1980-тите и подоцна во Британија од почетокот на 2000-тите. Серијата ќе посвети по еден час за секој од петте романи, а секоја епизода раскажува неколку хаотични денови од животот на Патрик.
Еп. 1
Лондон, 1982 година. Патрик Мелроуз е дваесет и тригодишен зависник од хероин кој лета во Њујорк за да ја земе пепелта на татко му. И покрај тоа што ги убедува својот најдобар пријател и колега наркоман Џони и нивните симпатии Деби и Џулија дека во Њујорк ќе се одвикне од дрогата, пред него претстои развратен викенд. Додека Патрик бара дрога по тротоарите на Менхетен, него го прогонуваат сеќавањата за суровоста на татко му и за запоставувањето од мајка му. За време на неговиот престој, тој среќава стари познајници. Меѓу нив се неговата стара пријателка Ен Ајзен, убавата но недостижна Мариен Бенкс, како и неговите стари дилери Чили Вили и Пјер. По една катастрофална средба со пријателите на татко му, Патрик ги тестира своите граници на издржливост со коктел од дрога и алкохол и со желбата да го потисне своето минато.