сезона: 1
Содржина
Во оваа нова серија Фу Фајтерс ја прославуваат својата 20-годишнина, документирајќи ја низ осум градови во кои е направена продукцијата на нивниот последен студиски албум.
Режисер на серијата е Дејв Грол, основачот на Фу Фајтерс, кој ги користи музичкото наследство и културното милје на осум градови: Чикаго, Остин, Нешвил, Лос Анџелес, Сиетл, Њу Орлеанс, Вашингтон и Њујорк. Музичкиот состав се стационира во по едно легендарно музичко студио што е поврзано со уникатната историја и карактерот на секоја од локациите.
По една песна се снимаше во секој град, заедно со локалните легенди. Дури и стиховите се напишани на експериментален, нов начин. Грол не ги пишуваше сѐ до последниот ден од секое снимање, што му овозможи да биде инспириран од искуствата, интервјуата и личностите кои станаа дел од процесот. Според зборовите на Грол, „Фу Фајтерс: Звучни автопати претставува „љубовно писмо за историјата на американската музика. Секоја епизода е поврзана со идентитетот на секој град, прикажувајќи како секој од тие региони ги обликувал музичарите во нивните рани години и како тие потоа влијаеле врз културното милје на нивните родни градови. Секој музичар што се појавува во серијалот, без оглед на полот или локацијата, има започнато како просечно дете со универзални соништа за создавање музика и за успех во тој свет.