сезона: 3
Содржина
ХБО ја прикажува премиерата на третата сезона од оваа хумористична серија, номинирана за наградата „Еми, создадена од Армандо Јанучи, која ни дава остар, сатиричен поглед во скриениот свет на политиката во Вашингтон.
Серијата „Потпретседателка го следи бурното секојдневие на потпретседателката Селина Мејер (Џулија Луис-Драјфус) и на урнебесен начин ни ја прикажува секојдневната политика преку втората највисока позиција во земјата. По откровението на крајот на втората сезона, дека претседателот нема да се кандидира за повторен избор, третата сезона почнува со Селина, која бара унапредување, додворувајќи им се на избирачите во Ајова при потпишувањето на нејзината нова книга со наслов „Некои нови почетоци. Наскоро, Селина и нејзиниот персонал се враќаат во Вашингтон за свадбата на Мајк и дознаваат дека секретарот за одбрана, Медокс, дал оставка, што на Селина ѝ овозможува да влезе во трката за претседателски кандидат во својата партија, против Медокс и нејзиниот непријател, воениот ветеран Дени Чанг.
Во 10-те епизоди од оваа сезона, Селина и нејзиниот персонал ќе постават канцеларија во Вашингтон за да истражат дали нејзината кандидатура има шанси и ќе патуваат во Силициумската Долина (за да соберат донации) и во Лондон (за да се сретнат со државници), додека Ејми и Ден се борат кој да биде менаџер на кампањата на Селина. Како и секогаш, потпретседателката ќе продолжи да покажува дека во Вашингтон дури и најбаналните одлуки можат да имаат огромно влијание со неочекувани и далекосежни последици.